Barcelona hedh sytë nga një tjetër “bomber”

E zhytur në kërkimin e një sulmuesi të ri, Barcelona ka vendosur Sebastian Haller si një opsion për repartin ofensiv.

27-vjeçari po kalon një sezon të bujshëm me ekipin holandez të Ajax. Haller është autori i 20 golave dhe 6 asistimeve në 23 ndeshjet zyrtare këtë sezon me fanellën e Ajax-it. Tashmë sulmuesi është konsideruar si një nga më të fortët në repartin ofensiv në të gjithë kontinentin.

Haller tashmë është dhe golashënuesi më i mirë i Champions League këtë sezon me 10 gola të shënuar. Lojtari nga Bregu i Fildishtë kaloi nga West Ham tek Ajax për shumën e 30 milion euro, por tashmë dihet që vlera e kartonit të tij është dyfishuar.

Barcelona do e ketë të vështirë të arrijë të fitojë shërbimet e Haller pasi është i kushtueshëm dhe klubi spanjoll ende nuk e ka luksin të shpenzojë, të paktën ende pa shitur disa lojtarë./ h.ll/albeu.com


Shtuar 21.12.2021 17:03