Atalanta ka marrë një fitore të rëndësishme ndaj Spezias në kuadër të javës së 13 të Serie A.
Në fakt ishin miqtë ata që zhbllokuan rezultatin në minutën e 11 me Nzola, por u duk se ky ishte thjesht një “ngacmim” për Atalantën e cila barazoi me Pasalic në minutën e 18.
Teksa 45 minutat e para po shkonin drejt fundit, Zabata në të 38’ dhe sërish Pasalic në të 41’ do dërgonin skuadrën e tyre në pushim me rezultatin 3-1.
Pjesa e dytë nis me e qetë me Atalantën që administron rezultatin. I futur në minutën e 79’, Luis Muriel do të dërgonte topin në rrjetë në minutën e 83 dhe i pesti do vinte në minutën e 89 me mesfushorin Malinovsky.
Spezia e nisi, e është pikërisht ajo që do ta mbyllë më gol këtë sfidë, pasi Nzola në minutën e 90+1 shënon të dytin për skuadrën, e po ashtu të dytin personal.
Në këtë sfidë titullar ishte edhe mbrojtësi shqiptar, Berat Djimshiti. Me këtë fitore Atalanta ngjitet në vendin e 4 me 25 pikë, ndërsa Spezia në vendin e 16 me 11 pikë. r.t/albeu.com
