Ronald Araujo ka folur për kënaqësinë e tij pas nënshkrimit të kontratës së re me Barcelonën deri në qershor 2026.
Barcelona mbajti një ceremoni pas dyerve të mbyllura me mediat e klubit dhe 22-vjeçari filloi duke falënderuar të dashurit e tij që e ndihmuan të arrinte këtë pikë.
“Dua të falënderoj prindërit dhe gruan time”, tha Araujo
“Kemi kaluar shumë. Prindërit e mi kanë bërë shumë sakrifica, por kanë paguar, kjo është shumë e rëndësishme për ne. Kurrë nuk kam dyshuar se i përkas këtu, besoj te klubi dhe projekti”, ka shpjeguar Araujo.
“Ka pasur edhe oferta të tjera, por kemi arritur marrëveshje shumë shpejt. Xavi Hernandez ka qenë i rëndësishëm dhe kam folur edhe me lojtarë të tjerë. Gjithmonë kam menduar se do të qëndroj dhe shpresoj që të fitojmë shumë tituj”.
Araujos iu bashkua Joan Laporta dhe presidenti i Barcelonës ishte plot lëvdata për uruguaianin.
“Dua të falënderoj Araujo”, tha Laporta.
“Ai është një lojtar që e duan shumë klube, ai është një lojtar i madh me talent të madh.
Por, gjithashtu, ai na jep karakter dhe përkushtim, ka dëshirën dhe entuziazmin për të fituar”./ h.ll/abcnews.al
