Pas episodeve të diskutueshme në ndeshjen e fundit, presidenti i Vllaznisë, Alban Xhaferi, ka reaguar ashpër në rrjetet sociale për vendimet e arbitrimit, që i kushtuan skuadrës shkodrane anulimin e dy golave në kohën shtesë.
Përmes një postimi në “Facebook”, Xhaferi kritikoi drejtpërdrejt gjyqtarët e dhomës VAR, Dorjan Maleta dhe Kreshnik Bajramaj. Ai ngriti me ironi pyetjen se sa gola duhet të realizojë Vllaznia që njëri prej tyre të konsiderohet i rregullt.
Të lidhura
None found
Kreu i klubit kuqeblu nënvizoi se bëhet fjalë për më shumë se një rast të veçuar. Sipas tij, gabimet po përsëriten aq shpesh sa janë shndërruar në një standard, duke dëmtuar skuadrën dhe duke treguar për një problem sistemik.
