Dy të mitur kanë terrorizuar me pistoletë lodër dy persona në sheshin “Skënderbej” në Tiranë dhe më pas i kanë vjedhur paratë.
Policia bën me dije se ngjarja ka ndodhur rreth orës 03:20.
“Dy të miturit, nën kërcënimin e një arme lodër, i vodhën një shumë parash dy shtetasve dhe më pas u larguan”, thuhet në njoftimin zyrtar.
Njëri prej adoleshentëve, 17 vjeç u arrestua në bulevardin “Dëshmorët e Kombit”.
Ndërsa bashkëpunëtori i tij, gjithashtu 17 vjeç u shpall në kërkim.
Nga verifikimet e kryera ka rezultuar se dy të miturit, janë autor të dyshuar edhe të vjedhjes së një shume parash, në një farmaci në rrugën “Asim Zeneli”.
Policia ka sekuestruar në cilësinë e provës materiale shumën e parave, pistoletën imituese dhe biçikletën të cilët autorët e përdorën për tu larguar nga vendi i ngjarjes.
