Nëna me tre fëmijë tregon si e tradhtoi ish-burri, historia e re e dashurisë së çiftit shqiptar: Ai la 3 të dashurat për mua

Andjola dhe Bashkim Sala janë çifti me historinë më të bukur të dashurisë. Ajo ka pasur më herët një martesë e cila përfundoi në divorc për shkak të tradhëtisë dhe 3 fëmijë, ndërsa ai kishte plot 3 të dashura.

Në momentin që kanë njohur njëri-tjetrin duket se gjithçka ndryshoi dhe kuptuan se kishin gjetur shpirtin binjak.

Në një lidhje me Skype nga Gjermania për “ABC e Mëngjesit”, çifti kanë rrëfyer gjithçka, duke i bërë të gjithë të ëndërrojnë se jeta si në përralla ekziston.

“Kam kaluar shumë sfida, shumë vështirësi dhe dhunë psikologjike. Jam nënë e tre fëmijëve, aktualisht po vazhdoj studimet në Frankfurt. Kam nisur gjithçka me shumë sfida, njëkohësisht punë dhe shkollë njëkohësisht.

Kam kaluar shumë deri në dhunë fizike. Po falenderoj shtetit gjerman që më dha mundësinë e një shkollë. Kam ardhur vetëm, kam marrë tre fëmijët dhe i kam hipur trenit. Nëna ime që është gjallë tani, i di sfidat që kam kaluar dhe kur askush nuk besonte te unë. Për çdo gocë shqiptare që kalon në shumë sfida duhen vlerësuar.

Kur jemi njohur ne, e pyeta Bashkimin se si është statusi, se ishte i bukur, i fortë dhe më tha kam 3 të dashura. Por ai nuk e përcaktonte dot shpirtin e tij binjak. Ai ka ardhur nga Zvicra në restorant në Frankfurt ku më tha nuk jam i martuar dhe më nxorri dokumentat. Unë pranova direkt, ma ndjeu zemra”, u shpreh Andjola.

“Kjo nuk është vetëm grua, por është edhe burrë. Kjo më ka përcjellë në rrjetet sociale për shumë kohë. Unë atë moment që jemi takuar në restorant, i propozova Andjola dhe i mora në telefon të treja dhe i lash. Edhe femra që kam prezantuar për herë të parë në rrjetet e mia sociale është Andjola”, tha Bashkimi.