Reperi i njohur Mc Kresha është bërë baba për herë të dytë. Bashkëshortja e tij Erzina ka sjellë në jetë një djalë.
Çifti, të cilët prej vitesh janë zhvendosur në Kanada, foshnjën e kanë pagëzuar me emrin, Din.
Emri është bërë i ditur përmes babait të Erzinës në një postim të shpërndarë në Facebook.
“Sonte Zoti na bekoi me nipin Din”, thuhet në postimin e tij.
Dy vite më parë, reperi dhe partnerja e tij u bënë prindër të një vajze të cilën e quajtën Iza.
Babai i Erzinës dhe vjehrri i Mc Kreshës ka qenë ai i cili gjithashtu ka bërë të ditur edhe emrin e Izës për publikun.
