Këngëtarja e njohur dhe shumë e dashur për publikun, Adelina Ismaili, rikthehet në skenën muzikore me një projekt të veçantë, duke i dhënë një version tjetër, më modern një prej perlave të muzikës popullore shqiptare
Në bashkëpunim me DJ Gimbo, Adelina ka publikuar këngën “Jarnana”, e cila sjell në një formë të re vargjet e njohura “Moj baluke e prerë, jarnane, jarnane…”.
Të lidhura
None found
Projekti është publikuar tashmë në YouTube, i shoqëruar edhe me videoklip, duke shënuar bashkëpunimin e parë zyrtar mes artistes dhe DJ Gimbos.
“Jarnana” ndërthur motivet tradicionale të muzikës shqiptare me tingujt bashkëkohorë, duke krijuar një version më modern të melodisë së njohur.
DJ Gimbo mban rolin e producentit ekzekutiv të projektit, ndërsa interpretimi karakteristik i Adelinës i jep këngës një tjetër dimension.
Vetëm pak ditë para publikimit, dy artistët kishin paralajmëruar projektin përmes rrjeteve sociale, duke ngjallur kuriozitet te fansat.
Me “Jarnana”, Adelina Ismaili rikthehet te rrënjët e muzikës shqiptare, duke dëshmuar se motivet tradicionale mund të përshtaten me sukses me ritmet moderne dhe të prezantohen te një brez i ri dëgjuesish.
