Mungesa e ujit për kafshët nxehu gjakrat mes Elsa Lilës dhe Xhesika Polos në Ferma VIP. Ka qenë Elsa ajo që u ka thënë fermerëve të tjerë që duhet të tregojnë më shumë kujdes, duke theksuar se nënat që ushqejnë të vegjlit me qumësht, kanë më shumë etje.
Mirëpo, duket se dy fermeret kanë sheshuar përplasjet mes tyre dhe Xhesika ka dhënë një mesazh të rëndësishëm nga Arena.
Xhesika Polo: Nuk kaloi në asnjë moment në personale.
Elsa Lila: Ndoshta keni humbur disa momente, por ne e sqaruam dhe në ditët në vijim kemi qenë shumë shoqe.
Xhesika Polo: Kemi ndarë edhe cigaren, bukën dhe kafe. Ky është një shembull që duhet të ndjekë çdo njeri, t’i sheshojë gjërat. Ne kemi njerëz dhe presioni i ditës së parë ishte çmenduri, por ia dolëm. Ditën e parë ne ishim akoma në autobus. Në momentin që ti je në autobus edhe frenat nuk i ke ti në atë moment. Unë jam një vajzë që i dal përballë në momentin që impulsiviteti im lëndon dikë tjetër. Jam aq e pjekur sa të kërkoj ndjesë kur e kuptoj që e kam lënduar dikë si në rastin e Elsës. Tani që po e njohim njëra-tjetërn jemi shumë rehat.
