Aktivisti Baki Goxhaj dhe disa qytetarë të tjerë janë shoqëruar nga policia pasditen e kësaj të shtune në Vlorë. Sipas raportimeve, ata ndodheshin pranë Pallatit të Kulturës, ku kryeministri Edi Rama po zhvillonte një takim me qytetarët për reformën territoriale.
Forcat e policisë ishin vendosur jashtë godinës për të garantuar mbarëvajtjen e aktivitetit dhe shmangien e incidenteve. Dyshohet se shoqërimi i Goxhajt u krye pas informacioneve se mund të kishte një reagim ndaj kryeministrit Rama.
Të lidhura
None found
Bashkëshortja e aktivistit kundërshtoi veprimin e policisë dhe kërkoi të dinte arsyen e shoqërimit. Ndërkohë, personat e tjerë u shoqëruan pas debatit me efektivët, pasi kërkonin të hynin në takim.
