Kleoniki Delijorgji njihet për tipin e saj të drejtpërdrejtë dhe herë pas here i lë ndjekësit në rrjetet sociale pa fjalë, me postimet e pazakonta që bën.
Ajo i habiti të gjithë kur bëri një postim në “Instastory”, duke treguar se kishte bërë një maskë për fytyrën me menstruacionet e saj. Por jo vetëm kaq, pasi vajza e biznesmenit Mihal Delijorgji më vonë bëri një tjetër postim që i la fansat pa fjalë.
Kleoniki postoi një video nga palestra, ku tregonte që i kishin ardhur menstruacionet. Teksa ishte e ftuar në emisionin “Ftesë në 5”, ajo tha se i kishin ardhur papritur dhe se e publikoi videon për t’iu bërë thirrje “vajzave që të mos kenë turp fare nëse iu vijnë periodat”.
Ndërsa së fundmi, bukuroshja ka ndarë me ndjekësit në “Instagram” disa poza ku shfaqet e gjitha nudo në mes të shkretëtirës.
“Zhvesh frikën time, më lër nudo”, shkruan Kleoniki në postimin e saj që menjëherë ka marrë mijëra pëlqime dhe komente.
