Moderatorja e njohur, Bora Zemani, ishte një ditë më parë e ftuar në emisionin “Goca dhe Gra” në Top Channel, ku foli për jetën profesionale dhe atë private.
Duke bërë krahasimin mes ish-konkurrentëve të “Për’puthen” dhe atyre të sezonit të tanishëm, moderatorja tha se “si si skandali i Teas nuk besoj se do ketë”.
“Konkurrentët e këtij sezoni më duket sikur i ekzagjerojnë gjërat më shumë seç duhet. Nëse sezonin e kaluar kishte arsye se debatonin dhe më pas ngrinin zërin, tani edhe një gjë e vogël merret si ters. Ndoshta duan që t’i paraprijnë që në fillim, që mos të duken si të urtë”, tha moderatorja e “Për’puthen”.
Tea e cila është një nga moderatoret e emisionit nuk reagoi në lidhje me deklaratën e Borës, në momentin që ajo tha ashtu. Por gjatë një bashkëbisedimi me ndjekësit në “Instagram”, ish-konkurrentja e “Për’puthen” reagoi për herë të parë.
“Si mendon për fjalët që tha Bora ‘nuk besoj se do ketë më si skandali i Teas”, i shkroi një ndjekës Trifonit.
Kjo e fundit i është përgjigjur shumë shkurt ku duket se ka rënë dakord me Zemanin.
“Mendoj që ka të drejtë”, shkruan duke qeshur Tea.
