Aferdita Dreshaj po jeton ditët më të bukura të jetës së saj, pasi është bërë nënë për herë të parë. Ajo solli në jetë një djalë, të cilin e ka pagëzuar me emrin e veçantë Sky Blue, që në shqip përkthehet qiell i kaltër.
Këngëtarja ka vendosur që me fansat e saj të shumtë të ndajë foto ku shfaqet së bashku me djalin. Madje ka publikuar edhe poza të tij vetëm, duke mos u munduar që t’i fshehë portretin, ashtu siç bëjnë shumë personazhe të njohur të ekranit.
“Sky Blue Kindl ke ndryshuar jetën tonë përgjithmonë… Zemrat tona po shpërthejnë nga dashuria”, ka shkruar Afërdita përkrah një fotografie.
Aferdita dhe Sky Blue u kthyen në shtëpinë e tyre pas daljes nga materniteti. Ata gjetën në shtëpi një super surprizë të këndshme nga babai Jakub dhe teze Jehona. Kjo e fundit kishte zbukuruar një dhomë me tullumbace dhe arush.
