I përlotur, Ilir Shaqiri zbulon si reagoi kur e bija i tregoi për herë të parë se pëlqen një djalë (FOTO LAJM)

Balerini i njohur, Ilir Shaqiri ka treguar gjithmonë se me të bijën, Emily ka një marrëdhënie të ngushtë. Së fundmi, ai ka zbuluar se ajo për herë të parë i kishte treguar se pëlqen një djalë.

“E adhuroj vajzën time”, tha Iliri në News24 ishte ku dëgjoi videomesazhin që e bija kishte dërguar për të. Fituesi i BB VIP rrëfeu edhe një bisedë që kishte zhvilluar së fundmi me të bijën. Ai tha se Emily për herë të parë i kishte treguar se pëlqen një djalë.

“Teksa drekonim më tha dua të të them një gjë. Më rrahu zemra fort. Më tregoi se pëlqen një djalë, kjo ishte hera e parë që e bën një gjë të tillë”, tha balerini duke ndarë emocionet dhe ndjesitë që kishte përjetuar.

Iliri më tej shtoi se për gati 10 minuta nuk kishte folur me të bijën, por më pas e kishte pyetur dhe kishte mësuar se djali që ajo pëlqen është aktor dhe e ka njohur nëpërmjet një shoqeje.

Balerini i njohur me sinqeritet rrëfeu vështirësinë me të cilën përballet një prind në momente të tilla, që edhe dëshiron që fëmija i vet t’i tregojë, por nga ana tjetër e ka edhe paksa të vështirë ta pranojë.