Aktorja dhe moderatorja e njohur, Rudina Dembacaj ka qenë së fundmi e ftuar në emisionin e pasdites “Rudina” ku dhe dha disa këshilla për vajzat që do të martohen së shpejti.
Duke u bazuar në dasmën e saj të organizuar së fundmi me Mark Frrokun më e rëndësishmja për të ishte të mbante një palë atlete me vete, pasi do të jenë një shpëtim për këmbët.
Pasi dasma madhështore dhe e shumëpërfolur e aktores dhe Markut përfundoi, të gjithë janë kuriozë për planet e ardhshme për një fëmijë.
Rudina Magjistari: Ndërkohë, Rudinë, planet e tjera pas dasmës, natyrisht që kur urohen, themi “Të trashëgoheni!” E keni në plan së shpejti, ndoshta?
Rudina Dembacaj: Edhe mos ta kem unë, tani s’më pyet njeri.
Rudina Magjistari: Kështu që është në planet tuaja?
Rudina Dembacaj: Kisha kohë që thoja “prit njëherë sa të jetë Viki 5 vjeçe”. Viktoria bën 5 vjeçe në fund të Dhjetorit, erdhi. Pastaj nxora justifikimin “prit pak, pas dasme do e bëjmë një fëmijë”. Iku dhe dasma, tani s’ka më justifikime.
Rudina Magjistari: Pse duhet të ketë?
Rudina Dembacaj: Bëj shaka, realisht tani është tamam momenti dhe Viktoria kërkon pafund një motër, ç’të na japë Zoti, por e kërkon një motër të vogël sepse “unë nuk e laj dot Ertën” thotë, “unë dua një motër ta laj vetë siç më lan Erta mua”.
