Në një rrëfim të sinqertë për “Grida Duma Podcast”, Egli Tako ka ndarë detaje të pathëna më parë nga jeta e saj private, duke trajtuar tematikat e dashurisë, shoqërisë dhe realitetit pas eksperiencës në Big Brother VIP.
Sipas saj, perceptimi i jashtëm nuk arrin të përshkruajë realitetin e mbyllur të asaj shtëpie. “Askush nuk e ka idenë se ç’ndodh brenda, nëse nuk e provon vetë. Ti hyn dhe nuk e di nëse jeta vazhdon ende jashtë atyre mureve,” rrëfeu ajo, duke shtuar se pavarësisht gjykimeve të publikut, premtimi që i kishte bërë partnerit ishte i shenjtë dhe nuk kishte më kthim prapa.
Të lidhura
None found
Duke analizuar marrëdhëniet moderne, Egli ngriti shqetësimin se njerëzit nuk po investojnë më ndjenja të vërteta. “Sot nuk dashurohet më personi, sepse nuk i dedikohet koha e nevojshme. Në një çift, vajza ka të drejtën të jetë më e llastuar, pikërisht ajo duhet të trajtohet si princeshë, jo mashkulli. Partneri duhet ta pëlqejë këtë dinamikë, sepse kjo e bën atë më të fortë dhe më burrëror,” shpjegoi ajo, duke kritikuar gjithashtu tendencën e shumë të rinjve për të mbuluar mungesën e ndjenjave me shfaqje luksi dhe materializmi.
Ajo foli hapur edhe për transformimin fizik, duke treguar arsyen e distancimit nga një trup tepër muskuloz. “Tani e shijoj fizikun tim aktual, më delikat dhe femëror, dhe më pëlqen shumë më shumë kështu,” pohoi ajo.
Në planin sentimental, ish-banorja pranoi se ndjen mungesën e një pranie mashkullore, veçanërisht gjatë fundjavave, por theksoi se nuk do të bënte kurrë kompromis duke pranuar një histori dashurie që nuk e përmbush shpirtërisht.
