Beniada e lëpiu para kamerave, gruaja ia bën “8 me 2” Ilir Shaqirit: S’ke më punë me të (FOTO LAJM)

Ilir Shaqiri rrëfeu pak javë më parë një periudhë të errët të jetës së tij. Balerini zbuloi në “Big Brother VIP” se pas lindjes së vajzës punonte shumë dhe nuk ndihej mirë e kjo e shtyu që për tre vite me radhë të tradhtonte bashkëshorten e tij.

Pavarësisht vështirësive për të rindërtuar besimin, Iliri tha se partnerja e tij është një grua shumë e zgjuar dhe sot e kësaj dite ata janë bashkë, pasi Emanuela e ka falur. Mbrëmjen e djeshme, artisti u surprizua nga Emanuela, e cila kishte ardhur në shtëpinë e “Big Brother VIP” për ta takuar.

Gjatë bisedës, Emanuela i tha bashkëshortit se së bashku me vajzën, Emily-n, e ndjekin gjatë gjithë kohës. Ato kanë qenë dakord për rrugëtimin e tij, por janë lënduar nga rrëfimet personale që Iliri ka bërë, duke iu referuar tradhtisë.

Ajo i kërkoi që të vazhdojë të jetë aktiv në shtëpi dhe të vazhdojë ta shijojë këtë eksperiencë, por duke menduar se ndoshta edhe i lëndon duke treguar situata shumë personale.

Ndërkohë Iliri tha: “Jam i kënaqur që ke mundësi të shohësh 24 orë programin. Ti e di se si jam unë i formuar dhe karakterin tim dhe e di që atë që kam në zemër e mbaj brenda meje dhe atë që kam në stomak duhet ta vjell dhe ta nxjerr patjetër.

Përsa i përket faktit që unë i besova publikut diçka kaq personale ishte diçka që unë kisha nevojë të lirohesha, ta pështyja jashtë vetes time, me të mirat dhe me dhimbjet që mund të më kishte shkaktuar dhe mua dhe ty. Nuk ka pse ta marrësh si diçka që doli nga muret e shtëpisë, ti e dije se ku po më çojë prandaj do prisje çdo gjë nga Iliri”.

Mirëpo, Emanuelës nuk i ka shpëtuar as masazhi që Iliri i ka bërë Beniada Nishanit dhe as lëpirja që kjo e fundit i bëri në faqe. Ajo tha se nuk i ka pëlqyer aspak diçka e tillë dhe i kërkoi që nga dita e nesërme të masazhojë Sabianin dhe jo Beniadën. Kur u pyet nëse dëshiron të flasë edhe me Nishanin, Emanuela tha: “Jo, sigurisht që jo. Unë jam këtu për burrin tim dhe kaq”.


Shtuar 23.10.2021 11:40