Errol Musk është babai i miliarderit, Elon Musk dhe së fundmi ka dhënë një intervistë të sinqertë në radio “Kyle and Jackie O Show”, ku është shprehur se nuk është i lumtur me djalin e tij.
Babai i CEO të “Tesla” ka rrëfyer se si ndihet vërtet për djalin e tij. Një nga mikpritësit fillimisht e pyeti Errolin: “Djali yt është një gjeni. Ai vlen kaq shumë para dhe ka krijuar kaq shumë gjëra, nuk mund t’ia mohoni atë. A jeni krenar?”.
Të lidhura
None found
“Jo. E dini, ne jemi një familje që kemi bërë shumë gjëra për një kohë të gjatë, nuk është se kemi filluar të bëjmë diçka tani papritur”, u përgjigj 76-vjeçari duke i habitur të gjithë me atë çfarë tha.
Babai i Elon vuri në dukje se fëmijët e tij kanë bërë “gjëra interesante” për një kohë të gjatë dhe se ai nuk kishte marrë asnjë qindarkë nga djali i tij miliarder.
Duke folur për fotot virale të Elon-it ku ai është pa këmishë në një varkë në Greqi, Errol tha se ai kishte inkurajuar djalin e tij të hante më mirë dhe të merrte suplemente.
“Elon është shumë i fortë, por ai ushqehet keq”, dhe e nxiti atë të merrte një produkt për humbje peshe të quajtur Garcinia Cambogia.
76-vjeçari vazhdoi duke e bërë të qartë se fëmija i tij i preferuar është vëllai i Elon, Kimbal, të cilin Errol e quajti “krenaria dhe gëzimi i tij”. Përveç kësaj, ai tha për djalin e tij Elon se “ai i do njerëzit dhe njerëzimin…”.
