Sekretari i Përgjithshëm i Interpolit, Valdecy Urquiza, gjatë vizitës së sotme në vend, vlerësoi se Maqedonia po i qaset me serioz bashkëpunimit policor ndërkombëtar dhe se përbën një partner me rëndësi për organizatën.
Të lidhura
None found
Në fjalën e tij para kadetëve dhe drejtuesve të Ministrisë së Brendshme, Urquiza nënvizoi se Qendra e Trajnimit e Ministrisë së Brendshme ka një rol të rëndësishëm në formimin e oficerëve të ardhshëm të policisë.
“Arsimi dhe trajnimi i vazhdueshëm do të luajë një rol kyç në të ardhmen tuaj si oficerë policie. Krimi po bëhet gjithnjë e më kompleks dhe mënyra se si trajnohen dhe edukohen policia do të duhet të evoluojë në përputhje me kërcënimet e reja. Teknologjia po përparon vazhdimisht, duke krijuar mundësi të reja për kriminelët krahasuar me kohën kur unë fillova karrierën time policore”, tha Urquiza.
Ai vuri në dukje se zhvillimet teknologjike dhe shtrirja gjithnjë e më e madhe ndërkombëtare e veprimtarive kriminale po e bëjnë krimin më të ndërlikuar, ndaj sipas tij mbetet i domosdoshëm një bashkëpunim i fuqishëm ndërkombëtar.
“Do të përballeni me gjuhë të ndryshme, sisteme të ndryshme ligjore dhe mënyra të ndryshme pune. Jam i bindur se në ato rrethana do ta njihni Interpolin si një partner të gatshëm dhe të besueshëm në luftën tuaj. Nga bashkëpunimi që kam parë në kufirin tuaj me Shqipërinë, si dhe nga aktivitetet e përbashkëta me autoritetet serbe, shoh se Maqedonia po e merr seriozisht bashkëpunimin ndërkombëtar policor. Kjo është pikërisht ajo që e bën Interpolin gjithnjë e më të rëndësishëm në luftën moderne kundër krimit të organizuar”, theksoi Urquiza.
