GROM ka bërë të ditur se lideri i partisë, Stevçe Jakimovski, është paraqitur me vullnetin e tij për të filluar vuajtjen e dënimit me burg prej gjashtë muajsh e gjysmë.
Të lidhura
None found
Nga kjo parti shprehin pakënaqësi të thellë ndaj Gjykatës Penale, e cila, sipas tyre, e ka dënuar kryetarin e GROM-it për ndërtimin e dy objekteve të përkohshme, përkatësisht barakave, ku komuna ka ushtruar veprimtarinë për 13 vjet.
Sipas GROM-it, Jakimovski nuk i ka shkaktuar dëm askujt, ndërsa komuna ka kursyer një milion e gjysmë euro për qira gjatë këtyre viteve, pasi në të kundërt do të duhej të përdorte ambiente me qira. Ata theksojnë gjithashtu se ky është rasti i vetëm në Evropë ku një person do të vuajë dënim efektiv me burg për, siç e cilësojnë ata, veprën e sajuar të ngritjes së një objekti të përkohshëm. Partia sqaron se objekti është ngritur mbi bazën e vendimit të Këshillit të Komunës, programit të punës të miratuar prej tij, programit për prokurime publike dhe mjeteve të siguruara nga buxheti komunal. “Ai nuk i ngriti barakat për fëmijët dhe familjen e tij, por për qytetarët e Karposhit”, thonë nga GROM.
Partia vlerëson se, në çështjen e Stevço Jakimovskit, gjykata e ka dëshmuar qartë veten si një organizatë parapolitike që, sipas saj, nuk i shërben drejtësisë, ligjeve dhe Kushtetutës, por partisë politike në pushtet. Ata shtojnë se është për të ardhur keq që, në heshtjen ndaj kryetarit të tyre Stevçe Jakimovski, krahas Hristijan Mickoskit, po merr pjesë edhe sistemi gjyqësor.
