Rreth 150 persona presin për transplantim veshke në Maqedoni, fëmija 4 vjeç është pacienti më i ri në dializë

Rreth 120 deri në 150 persona janë në listën e pritjes për transplantim të veshkës, por lista reale është shumë më e madhe, thotë Dushko Gjorgiev, kryetar i Shoqatës së qytetarëve për sëmundje të veshkëve “Nefron”, në shënimin e Ditës Botërore të Veshkave.

Ai gjithashtu tha se personi më i ri në dializës është një 4 vjeçar, ndërsa më i madhi 92 vjeç. Sipas të dhënave të “Nefron”, në vendin tonë vlerësohet se sëmundja kronike e veshkave është e pranishme në 10% të popullsisë, ndërsa 1.540 persona janë në fazën përfundimtare të sëmundjes që i nënshtrohen trajtimit me dializë.

“Operohet me një listë pritjeje prej 120-150, megjithatë lista reale është shumë më e madhe sepse në mungesë të transplantimeve të vazhdueshme dhe të shtuara kadaverike, ajo listë nuk pasurohet sepse ka shtypje dhe testime që kushtojnë para, dhe kemi shumë pak transplantime kadaverike, ose kemi vite që nuk kemi aspak. Apeli ynë është që nëse transplantimi kadaverik ringjallet, atëherë edhe ajo listë do të rritet, presim nga ato 1.500 – 1.600 të paktën një e treta të jetë në listë të pritjes”, tha Dushko Gjorgiev, kryetar i “NEFRON”.

Ndryshe në Klinikën e Urologjisë në vend deri në muajin janar janë kryer mbi 500 transplantime. /almakos