Ambasadori i Bashkimit Evropian, Michalis Rokas, tha sot se po zhvillohet një punë e konsiderueshme larg vëmendjes së publikut, me synim zhbllokimin e procesit të integrimit evropian.
Të lidhura
None found
Sipas Rokas, pritet që së afërmi të arrihet një zgjidhje që do t’i hapë Maqedonisë derën për në Bashkimin Evropian.
“Shpresoj sinqerisht që çështjet të lëvizin përpara. Mendoj se tashmë po punohet shumë prapa skenave, edhe pse kjo nuk është e dukshme, me qëllim që procesi të përmbyllet. Shpresoj që së shpejti të gjendet një zgjidhje, e cila do të hapë rrugën për nisjen e negociatave me Bashkimin Evropian”, deklaroi Rokas.
Ndërkohë, ekspertët po paraqesin këto ditë para publikut propozimin për të ashtuquajturat garanci të brendshme, ose për miratimin e një ligji për mbrojtjen e identitetit, që do të shërbente si mburojë juridike ndaj çdo presioni.
Në një analizë me 6 pika, eksperti i BE-së Dragan Tilev sugjeroi hapa konkretë për opinionin, përkatësisht një argumentim të ashtuquajtur ligjor. Sipas tij, ai mbështetet te vlerat evropiane të nenit 2 të Marrëveshjes së BE-së, mbrojtja e identitetit kombëtar, parimi i bashkëpunimit besnik dhe kushtet e anëtarësimit të përcaktuara në nenin 49 të Marrëveshjes me BE-në./Telegrafi/
