Një operacion policor në fshatin Forinë të Gostivarit përfundoi me arrestimin e dy personave, pasi gjatë një kontrolli rutinë u zbulua një sasi droge në makinën e tyre.
Të lidhura
None found
Të mërkurën, më 15 korrik 2026, rreth orës 15:20, efektivët e SPB Gostivar ndaluan J.S., 38 vjeç, dhe J.Sh., 43 vjeç, të dy banues në Semenishtë të komunës së Sarajit. Ata udhëtonin me një veturë tip “Golf” me targa të Shkupit, e cila u bë objekt i një kontrolli të plotë.
Brenda automjetit, uniformat blu gjetën një qese me përmbajtje pluhuri të bardhë, që dyshohet të jetë substancë narkotike. Makina u bllokua menjëherë si provë materiale, ndërsa autoritetet po përgatisin dokumentacionin e nevojshëm për të ngritur kallëzim penal ndaj të dy të dyshuarve.
