Paraburgim 30-ditor për çiftin e dyshuar lidhur me vrasjen e Aco Trpovskit

Gjykata Penale ka vendosur masën e paraburgimit në kohëzgjatje prej 30 ditësh ndaj bashkëshortëve që Prokuroria i dyshon për vrasje dhe për ndihmë në vrasjen e mjekut Aco Trpovski. Ngjarja kishte ndodhur dy vjet më parë në Autokomandë të Shkupit.

Sipas sqarimit të Gjykatës Penale, kërkesa e Prokurorisë për caktimin e paraburgimit është pranuar për shkak të mundësisë së arratisjes së të dyshuarve, si edhe rrezikut që ata të ndikojnë te dëshmitarët./Telegrafi/