Në Maqedoni, meshkujt humbin jetën mesatarisht në 72.2 vjeç, ndërsa gratë në 76.6 vjeç

Sipas të dhënave për vdekshmërinë të publikuara nga Enti Shtetëror i Statistikave, gjatë vitit 2025 janë regjistruar 20.287 vdekje, ose 0.4% më shumë në krahasim me vitin 2024.

Nga numri i përgjithshëm i të vdekurve, 10.498 janë meshkuj, ndërsa 9.789 janë gra. Po ashtu, janë evidentuar 62 vdekje foshnjore, që përbëjnë 0.3% për çdo 100 vdekje.

Të dhënat sipas muajve tregojnë se janari ka pasur numrin më të lartë të rasteve me 2.002, ndërsa prilli ka shënuar numrin më të ulët, me 1.506 vdekje.

Mosha mesatare e meshkujve që kanë ndërruar jetë është 72.2 vjeç, ndërsa te gratë kjo mesatare arrin në 76.6 vjeç. Kjo do të thotë se mosha mesatare e grave të vdekura është 4.4 vjet më e lartë.

Në RMV, shkaqet më të shpeshta të vdekjeve mbeten sëmundjet e sistemit të qarkullimit të gjakut me 34.0%, të ndjekura nga neoplazmat me 19.6%, sëmundjet endokrine, ushqyese dhe metabolike me 6.5%, si dhe sëmundjet e sistemit të frymëmarrjes me 3.7%.