Një 70-vjeçar nga Draçeva e Shkupit ka humbur jetën si pasojë e etheve të Nilit Perëndimor, duke e çuar në tetë numrin e viktimave nga ky virus. Sipas konfirmimit të Ministrisë së Shëndetësisë, ai po merrte trajtim në Klinikën për Sëmundje Infektive.
Të lidhura
None found
Pacienti ndodhej në gjendje kritike dhe vuante edhe nga disa sëmundje shoqëruese.
Ministria e Shëndetësisë bëri të ditur se të dhëna të tjera lidhur me rastin pritet të publikohen gjatë ditës së hënë.
Deri tani, në Maqedoninë e Veriut janë evidentuar 56 raste të etheve të Nilit Perëndimor. Pjesa më e madhe e personave të infektuar janë nga Shkupi dhe zonat përreth.
