Universiteti “Nënë Tereza” po kërkon ambiente shtesë për shkak të shtimit të numrit të studentëve, ndërsa autoritetet kanë identifikuar një zgjidhje të përkohshme për këtë situatë.
Të lidhura
None found
Zv.kryeministri i parë dhe ministri për Çështje Evropiane, Bekim Sali, vizitoi hapësirat e Lidhjes së Sindikatave të Maqedonisë së bashku me rektorin e UNT-së, prof. dr. Bekim Fetaji. Këto ambiente pritet të vihen në dispozicion të universitetit.
Sipas Salit, shfrytëzimi i tyre do t’u mundësojë studentëve kushte më të mira për të ndjekur studimet dhe do të garantojë vijimin e rregullt të procesit mësimor, deri në ndërtimin e kampusit të përhershëm të UNT-së.
“Për UNT-në nuk mjaftojnë premtimet. Nevojiten veprime, zgjidhje dhe përgjegjësi institucionale”, u shpreh Sali.
Nevoja për këtë zgjidhje është bërë më e theksuar për shkak të rritjes së numrit të studentëve dhe mungesës së hapësirave të mjaftueshme për zhvillimin normal të mësimit në universitet.
