NP “Ujësjellësi dhe Kanalizime” Shkup ka bërë të ditur se uji në qytetin e Shkupit mund të përdoret në mënyrë të sigurt për pije.
Për të informuar qytetarët mbi cilësinë dhe sigurinë e ujit të pijshëm, ndërmarrja ka publikuar raportin javor të bazuar në analizat e zhvilluara nga Sektori i Kontrollit Sanitar.
Të lidhura
None found
Gjatë periudhës 19.10.2026–22.10.2026, ky sektor ka mbledhur 159 mostra për analiza fiziko-kimike dhe po aq, 159 mostra, për analiza mikrobiologjike. Mostrat janë marrë në 44 pika matëse në Qytetin e Shkupit.
Rezultatet tregojnë se të gjitha mostrat përputhen me Rregulloren për kërkesat për sigurinë dhe cilësinë e ujit të pijshëm (Gazeta Zyrtare e Republikës së Maqedonisë, Nr. 183/18), thuhet në njoftimin e NP “Ujësjellësi dhe Kanalizime” Shkup./Telegrafi/
