Gjatë 24 orëve të fundit, në territorin e vendit janë evidentuar 29 vatra zjarri në hapësira të hapura. Sipas të dhënave të Qendrës për Menaxhim me Kriza, 22 nga këto raste janë fikur plotësisht, gjashtë mbeten aktive dhe një tjetër është vënë nën mbikëqyrje.
Të lidhura
None found
Vatrat që ende nuk janë shuar ndodhen në disa komuna: në Studeniçan, pranë fshatrave Morane, Vrtekica dhe Ramni Gaber; në Makedonski Brod, në afërsi të lokalitetit Vidush dhe fshatrave Dragov Dol, Lokvica e Deviç; në Veles dhe Zelenikovë, rreth vendbanimeve Slp, Gorno Selo, Karabunishte, Buzallkovë, Dobrino dhe Tisovicë; në Jegunovce dhe Saraj, duke përfshirë fshatrat Kopance, Tudence e Bojanë; si dhe në Prilep, te Canishtja, dhe në Dollnen, pranë fshatrave Vrance e Belo Pole.
Ndërkohë, zjarri që përfshiu deponinë në Delçevë tashmë është kontrolluar, njoftojnë autoritetet.
