Proteina është një përbërës shumë i rëndësishëm për shëndetin tonë dhe na jep energji, ndihmon në humbjen e peshës dhe në përgjithësi është një element i vlefshëm për trupin tonë.
Pse proteina është kaq e rëndësishme?
Proteina është një bllok ndërtues i trupit, muskujve, rrit metabolizmin dhe aftësinë për të djegur dhjamin. Është me të vërtetë “karburanti” që aktivizon dhe mbështet trupin në ndërtimin e indeve dhe qelizave të shëndetshme.
Këto janë shenjat më të zakonshme që trupi juaj po ju paralajmëron se ndoshta nuk po merrni proteina të mjaftueshme.
Shërimi i ngadalshëm i plagëve
Proteina kërkohet për shërimin e plagëve dhe kur mungon, shërimi bëhet më i ngadalshëm, formimi i kolagjenit zvogëlohet dhe plagët gjithashtu mund të përkeqësohen.
Infeksione të shpeshta, sistem imunitar i dobët
Dihet se marrja e reduktuar e proteinave ndikon në funksionimin e sistemit imunitar. Mekanizmi ka të bëjë me rolet që luajnë aminoacidet në formimin e antitrupave – të njohur si proteina – dhe në rregullimin e përgjigjeve imune.
Kocka të dobëta
Kjo mund të çojë në më shumë fraktura, veçanërisht tek të moshuarit. Formimi, mbështetja dhe riparimi i kolagjenit në faza të ndryshme të jetës ndikohen nga mungesa e proteinave, siç është masa e muskujve, dhe të dyja punojnë së bashku.
Rënie flokësh
Kjo mund të lidhet me mungesën e hekurit, e cila është një mungesë e zakonshme e mikronutrientëve që rezulton nga mungesa e proteinave në dietë, veçanërisht mishit dhe bishtajoreve.
Rritja e urisë dhe dëshirës për ushqim
Kur nuk konsumoni proteina të mjaftueshme, është e zakonshme të ndjeni uri të fortë, pasi trupi aktivizon mekanizmin e oreksit për të marrë atë që i nevojitet./albeu.com
