Ka njerëz që kur shkojnë në gjumë preferojnë t’i mbajnë çorapet veshur dhe nga ana tjetër ka njerëz që nuk do të duronin kurrë idenë e djersitjes të këmbëve gjatë natës.
Por siç rezulton, gjumi me çorape mund të ketë disa pasoja jo të këndshme, dhe nëse jeni mësuar t’i vishni çorapet gjatë natës, mund të dëshironi ta rishikoni këtë zakon.
1. Veshja e çorapeve mund të ndikojë në rrjedhjen e gjakut.
Nuk ka dyshim që veshja e çorapeve në shtrat është e ngrohtë dhe komode dhe madje mund të rrisë përkohësisht qarkullimin e gjakut. Por nëse mbani çorapet tuaja për një periudhë të gjatë kohore, ajo në fakt fillon të funksionojë anasjelltas, duke ulur rrjedhën tuaj të gjakut. Nëse e keni zakon të vishni çorape gjatë natës, në planin afatgjatë, mund të shkaktojë ngadalësimin e rrjedhjes së gjakut.
2. Mund të keni një rrezik më të lartë të infeksioneve të lëkurës.
Çorapet tuaja të preferuara me dizajne mund t’ju bëjnë të qeshni dhe t’ju rregullojnë humorin, edhe në një ditë të zymtë, por kushtojini vëmendje pëlhurës nga e cila janë bërë. Materialet sintetike, të tilla si poliesteri, pëlhura prej fije artificiale ose najloni, nuk janë miqësore me lëkurën dhe nuk i lënë këmbët tuaja të ajrosen. Djersitjet e natës janë mjaft të zakonshme dhe nëse flini nën një batanije të rëndë, mjedisi i lagësht dhe i ngrohtë krijon një terren të përsosur për bakteret që mund të prekin këmbët tuaja. Nëse disa kimikate të forta, të tilla si ngjyra dhe rrëshira, janë përdorur për të trajtuar çorapet tuaja, shanset janë që mund të keni acarim dhe skuqje, të njohura gjithashtu si dermatiti i veshjeve.
3. Çorapet tuaja mund të lënë shenja në lëkurën tuaj.
Nëse keni vënë re ndonjëherë shenja kruarje të kuqërremta që çorapet tuaja lënë në këmbë, atëherë llastikët që mbajnë çorapet në atë vend janë ndoshta shumë të ngushtë. Kur i vishni çorapet gjatë natës, mund të zgjoheni me shenja që ju dhembin ose irritim të lëkurës, që kërkon pak kohë të largohet. Ashtu si çdo veshje e ngushtë, çorapet me llastik të ngushtë mund të kufizojnë rrjedhjen e gjakut, duke shkaktuar ënjtje.
4. Mund të ndikojë në temperaturën e trupit tuaj.
Kur jeni duke pushuar natën, organet në trupin tuaj vazhdon të punonjë, dhe në fakt ka shumë gjëra që ndodhin gjatë gjumit. Temperatura e trupit tuaj ndryshon disa herë gjatë natës dhe ne flemë më mirë kur jemi më të freskët. Nëse vishni çorape që nuk janë prej pëlhurashtë favorshme, temperatura e trupit tuaj mund të rritet, duke ju shkaktuar një gjumë me probleme.
