Jeni gati? Kjo rutinë 7-minutëshe çdo mëngjes do t’ju ndryshojë jetën

Duhen vetëm 7 minuta për të ndryshuar mënyrën e qasjes gjatë një dite që sapo ka nisur. Zbatimi i rutinës së përshkruar më poshtë para se të nisni punën do të ndryshojë dukshëm produktivitetin, sjelljen, suksesin dhe shëndetin tuaj.

Është tamam si mënyra si ju e vendosni mbajtësen e topit të golfit. Ju planifikoni se si do kryeni gjuajtjen, e cila është më e rëndësishme se sa goditja në vetvete. Pra, para se të filloni ditën tuaj, kjo rutinë do të sigurojë mënyrën e duhur të mendimit. A do ta ndiqni atë?

Para se të filloni: Përgatituni
Së pari, duhet të gjesh një vend të qetë. Kjo nuk mund të bëhet brenda makinë, pasi ka shumë shpërqendrime. Në një kompani të zhurmshme, mund ta bëni në holl apo në ballkon. Por për këtë duhet të mbërrini herët në mëngjes. Do t’ju duhet edhe një ditar. Gjithashtu mbani në orë dore. Pasi do t’ju duhet të merrni kohën tuaj dhe ta përfundoni rutinën7 minutave.

Minuta e parë: Pastroni mendjen nga mendimet e tjera
Këtu do të hyj në ndonjë çështje fetare apo të bëj ndonjë predikim. Madje as nuk jam duke e inkurajuar meditimin. Por çdo person në planet që duhet të punojë për të jetuar, ka nevojë ta ndjekë këtë rutinë themelore. Duhet të pastrosh mendjen nga shumëçka.

Lëri mënjanë telefonin që kontrolluar vazhdimisht për të kontrolluar mesazhet, apo iPad që ju merr shumë kohë gjatë ditës? Ata nuk janë pjesë e kësaj rutine të mëngjesit. Të pastrosh mendjen do të thotë të jesh i vetëdijshëm që po përgatitesh për ditën që ke përpara.

Minuta e dytë: Merrni frymë me ngadalë
Ju mund të keni një mënyrë tjetër për ta menaxhuar stresin që ndjeni në jetë. Gjithsesi, frymëmarrja e thellë krijon një efekt qetësues në trurin tuaj, dhe ju ndihmon të përqendroheni. Frymëmarrja e qëllimshme, është e rëndësishme në çdo kohë të ditës. Që kjo rutinë të funksionojë, duhet të ndaloni së bëri çdo gjë, ta fokusoni mendimin tuaj dhe të futeni në kornizën e duhur të mendjes. Thjesht rrini i qetë dhe merrni frymë.

Minuta e tretë deri në të gjashtën: Mbaj shënime dhe vizato
Ju keni dëgjuar shumë gjëra mbi ditarin, por procesi që unë përdor nuk është vetëm ditar. Unë shkruaj në një ditar gjithë ditën, menjëherë sapo ngrihem në mëngjes nga gjumi dhe pi kafen, mbrëmjeve para gjumit, si dhe gjatë takimeve dhe konferencave.

Në ditar nuk flas për veten. Unë përshkruaj mendimet e para që më vijnë pasi mbërrij në punë, por para se të filloj me detyrat e ditës. Vizatoj një figurë apo hedh një ide. Është një mënyrë për të kuptuar se çfarë është e rëndësishme dhe çfarë po më streson.

Është një regjistër i përgatitjes tuaj, dhe një mënyrë për t’ju ndihmuar të ktheheni pas dhe të shihni në këto 7 minuta, se çfarë ishte vërtet e rëndësishme. Sigurohuni që të mos përqendroheni më shumë tek shkrimet dhe mos të mjaftoheni vetëm me të menduarit.

Minuta e shtatë: Rishiko shënimet

Pasi të keni hedhur në bllok disa shënime, dhe keni regjistruar kohën e këtij aktiviteti, sigurohuni që të keni rreth 1 minutë në fund për të parë për herë të dytë shënimet tuaja. Mendoni se çfarë keni shkruar dhe pse e keni bërë këtë, dhe bëni një plan të shkurtër – në vetëm 30 sekonda – për të vepruar në njërën nga pikat në listën tuaj.

Vetëm një. Nëse keni vënë në listë nevojën për të trajtuar një konflikt apo për të përfunduar një raport, vendosni që të përqendroheni tek ajo detyrë, dhe sigurohuni që të jeni të qëllimshëm për ta adresuar atë. Mbaruat për sot. Vetëm 7 minuta. Ndiqeni planin për të paktën një javë.

Nga John Brandon


Shtuar 16.03.2021 12:16