Temperatura dhe kolla janë shenja karakteristike të koronavirusit Covid-19. Po edhe humbja e shqisave, siç janë shija dhe nuhatja karakterizojnë këtë sëmundje.
Pas infektimit me Covid, këto shqisa rikthehen me kalimin e kohës. Megjithatë, sipas studimeve paraprake, një pjesë e madhe e njerëzve pësojnë ndryshime afatgjata në shqisat e tyre.
Instituti Karolinska në Stokholm ka përfshirë në studim 100 persona të cilët kishin humbur shqisën e nuhatjes pas Covid në periudhën Mars 2020. Zbuluan se 18 muaj më vonë, 1 në 20 persona nuk i ishte rikthyer nuhatja.
Studime të mëparshme kanë treguar gjithashtu të njëjtën problematikë, se shumë pacientë nuk kanë pasur nuhatje 6 muaj pas sëmundjes. Shumë të tjerë thonë se shqisa e nuhatjes dhe shijes, edhe pse iu është rikthyer, nuk është më e njëjtë si më parë. Ata druhen se ndoshta nuk do të rikthehen kurrë në normalitet.
Specialistë të fushës nuk kanë dhënë përgjigje përfundimtare për këtë problem, por shumë pacientë janë përpjekur të gjejnë vetë zgjidhjen duke përdorur sprej për hundët.
