Në mesditën e së hënës, një vatër zjarri shpërtheu në afërsi të tunelit të Vlorës, në lokalitetin e njohur si Uji i Ftohtë.
E favorizuar nga temperaturat e larta dhe era, përhapja e flakëve mbi sipërfaqen e mbuluar me shkurre dhe vegjetacion të ulët ishte e shpejtë, duke krijuar rrezik për shtëpitë që gjendeshin pranë. Në disa momente, banesat e zonës u kërcënuan seriozisht.
Të lidhura
None found
Menjëherë në terren shkuan efektivët e Policisë dhe ekipet e zjarrfikësve, të cilët ndërhynë pa vonesë për të kufizuar përhapjen dhe për të mbrojtur ndërtesat.
Aktualisht, operacioni për neutralizimin e plotë të zjarrit është ende në zhvillim, teksa autoritetet përpiqen të parandalojnë zgjerimin e vatrave dhe çdo pasojë tjetër të mundshme.
