Gjermania ka përpara muaj të vështirë të negociatave për krijimin e një koalicioni. Marcel Fratzscher, president i DIW, Institutit Gjerman të Ekonomisë, shprehet se ai shpreson që partitë të mos bien dakord vetëm për emëruesin më të vogël të përbashkët, por të ndajnë detyrat me njëra-tjetrën me mençuri, guxim dhe me vendosmërinë e nevojshme për ndryshim. Gjermania ndodhet para sfidës më të madhe prej kohësh. Qeveria e re duhet shpejt të marrë vendime të së ardhmes në lidhje me klimën, transformimin digjital dhe rinovimin social. Nëse nuk ia del me këtë, atëherë vihet në pikëpyetje mirëqenia ekonomike e Gjermanisë dhe Europa rrezikon të humbë në konkurrencën e sistemeve me Kinën dhe SHBA.

Lajm i mirë që një koalicion i majtë nuk është i mundur

Kurse ekonomisti Jens-Oliver Niklasch, nga Banka e landit të Baden-Vyrtembergut, LBBW shprehet se nga pikëpamja e tregut është një lajm i mirë që një koalicion i majtë nuk është i mundur. “Partitë e tjera që mund të qeverisin nuk dallojnë shumë në temat ekonomike dhe politike-financiare, që kompromiset të bëhen të pamundura.”

Edhe Jörg Krämer kryekonomisti i Commerzbank shprehet se “shumë sipërmarrës dhe aksionerë duhet të jenë të lehtësuar, që një aleancë me SPD-Të Gjelbrit-dhe e E Majta nuk arrin shumicën në Bundestag. Kjo forcon pozicionin negociues të FDP-së, pa të nuk mund të krijohet një koalicion stabil, po të lesh mënjanë koalicionin e madh.” Për Krämerqeveria e re ka detyra të vështira përpara. Ndryshe nga Angela Merkel në vitin 2005, qeveria e re nuk merr përsipër një ekonomi popullore me avantazhe në vend. Po të matet me faktorë si kohëzgjatja e proceseve të lejeve apo gjyqësore, tatimet etj, me rëndësi për funksionalitetin konkret të sipërmarrjeve, Gjermania brenda BE zë vende mesatare. Para 10 vjetësh Gjermania ndodhej në çerekun e parë të renditjeve.”

Shqetësim – kohëzgjatja e negociatave

Kurse Gabriel Felbermayr, presidenti i Institutit për Ekonominë botërore, IFW e sheh me shqetësim, që Gjermania ka përpara muaj të vështirë të krijimit të qeverisë. Pavarësisht se cili koalicion krijohej, …duhet të llogaritet me atë që qeveria e re do të jetë relativisht e dobët, sepse partitë me pozicione ideologjike të ndryshme, do të duhet të bien dakord për një program. Paralizimi i gjatë dhe pasiguria politike nuk ndihmojnë aspak ekonominë, sidomos para detyrave të vështira të së ardhmes.”

Për Thomas Gitzel, kryekonomist i VP Bank, rezultati zgjedhor në Gjermani do të pritet me qetësi nga tregjet financiare. Për një aleancë të majtë me shumë gjasa nuk mjafton rezultati. Me këtë është mënjanuar rreziku më i madh për tregjet financiare. Me këtë rezultat kuptohet edhe diçka tjetër: nuk ka një ndërprerje të plotë me punën e deritanishme qeveritare. Edhe nëse SPD-së merrzyrën e kancelarit do të thotë vijimësi. Për Olaf Scholz kanë rëndësi finanacat solide edhe kjo do t’i qetësojë tregjet financiare./DW

The post Reagimet e ekonomisë gjermane pas zgjedhjeve appeared first on Albeu.com.

SPD siguroi 25.7% të votave, ndërsa blloku konservator CDU/CSU në pushtet fitoi 24.1%.

Të Gjelbrit arritën rezultatin më të mirë në historinë e partisë së tyre, duke dalë në vendin e tretë me 14.8% të votave.

Tani duhet krijuar një koalicion për të formuar një qeveri, raporton albeu.com.

Kreu i SPD, Olaf Scholz, tha më herët se partia e tij kishte një mandat të qartë për të sunduar, pasi ata filluan të kryesojnë..

Gjithsesi, pavarësisht rezultatit të zgjedhjeve do të duhet kohë për krijimin e qeverisë.

Kancelarja në largim, Angela Merkel duhet të presë derisa të krijohet një koalicion, pra thuajse deri për Krishtlindje.

The post Zgjedhjet në Gjermani, qendra e majtë fiton ngushtë kundër partisë së Merkel appeared first on Albeu.com.

“Ne nuk mund të jemi të kënaqur me këto rezultate”,  u tha ai besnikëve të partisë më herët, duke u dukur disi i zymtë.

Megjithatë, kur u pyet për të ardhmen e tij politike gjatë debatit televiziv me udhëheqësit e tjerë, Laschet ishte i bindur se ai do të ishte një figurë kyçe në bisedimet për të formuar një qeveri koalicioni.

“Kam ndërmend të zhvilloj bisedimet eksploruse si kryetar partie”, tha ai.

Laschet aktualisht është drejtuesi i CDU dhe kryeministri i shtetit të Nordrhein-Westfalen (NRW).

Ai ka thënë më parë se do të japë dorëheqjen si kryeministër i NRW çfarëdo që të ndodhë në këto zgjedhje. Por, kur u pyet, iu shmang pyetjes.

Tani mbetet të shihet nëse do ta bëjë këtë kur rezultatet të jenë të qarta./albeu.com

The post Zgjedhjet nuk shkuan siç i parashikoi, Laschet shmang pyetjen mbi të ardhmen e tij politike appeared first on Albeu.com.

Ish -avokati ishte një ministër i vogël në qeverinë e parë të Angela Merkel dhe drejtoi shtetin e Hamburgut para se të bëhej ministër i Financave në 2018, raporton albeu.com.

Partia e tij SPD arriti një nivel të ulët historik prej 10% në sondazhet në vitin 2017. Pastaj në vitin 2019, ai pësoi një goditje pasi humbi një ofertë për t’u bërë udhëheqës i partisë.

Por pas kësaj, ai ngadalë rindërtoi imazhin e tij.

Ngritja e tij mund t’i atribuohet tre faktorëve:

1) Ai ishte arkitekti i vendimit të G7 mbi një normë globale të taksës së korporatës dhe doli nga hija e Merkel.

2) Si avokat që ka përfaqësuar klientët e klasës punëtore, ai prezantoi një pagë minimale të mirë në Gjermani.

3) Scholz ishte me fat që dy rivalët e tij u penguan. Annalena Baerbock e të Gjelbërve është kritikuar për “zbukurimin” e CV -së së saj dhe për plagjiaturë. Por mbi të gjitha, Armin Laschet ka qenë jashtëzakonisht i shënjestruar për shkak të gafave që bën.

Pra, Scholz është treguar popullor sepse është kandidati i vazhdimësisë. Ai shihet si i qetë, kompetent dhe pak i mërzitshëm. Votuesit gjermanë e pëlqejnë atë./albeu.com

The post Scholz favorit në zgjedhjet në Gjermani, 3 faktorët që ndikuan pro tij appeared first on Albeu.com.

Jashtë, aktivistët e rinj të partisë e kanë mbajtur barmenin të zënë në stendën e birrës dhe ka një zhurmë të madhe festive.

Por kjo do të jetë një natë e gjatë, dhe rezultatet nuk duket të jenë ato që qendra e majtë shpresonte vetëm një javë më parë.

Projeksionet i japin socialdemokratëve të qendrës së majtë një epërsi të ngushtë në garën për të pasuar kancelaren Angela Merkel. Kandidati i tyre, Olaf Scholz, tha se vendi kishte votuar për ndryshimin dhe se ai ishte gati të formonte dhe drejtonte qeverinë e ardhshme

Kandidati Demokristian (dhe pasardhësi i zgjedhur i zonjës Merkel) Armin Laschet, tha se edhe ai donte të udhëhiqte qeverinë e ardhshme, megjithëse ai pranoi se rezultati i partisë së tij nuk ishte ai që kishte shpresuar.

Të Gjelbrit dolën të tretët në zgjedhje, me FDP-në liberale pas tyre. Me mundësisht tre parti të nevojshme për shumicën, bisedimet e koalicionit pritet të jenë të gjata dhe të vështira.

Mund të presim javë për të mësuar se kush do të jetë udhëheqësi i ardhshëm i Gjermanisë./albeu.com

The post PROJEKSIONET/ Hapet “shampanja” në selinë e SPD appeared first on Albeu.com.

Pati një duartrokitje të zjarrtë në selinë e SPD kur në skenë doli kandidati i tyre i qendrës së majtë për kancelar, Olaf Scholz. Por, duhet thënë se është ende herët për të festuar, pasi rezultati është shumë i ngushtë.

Sondazhi me numërimin e deri tanishëm ka rezultatet si më poshtë

SPD – 24.9%

CDU – CSU – 24.7%

Të gjerbrit – 14.8%

AFD – 11.3%

FDP – 11.2%

Të majtët – 5%

Kujtojmë se, sistemi elektoral në Gjermani parashikon dy lloj votash, vota e parë për kandidatët e qarqeve për në parlament dhe vota e dytë për partitë. Eshtë pikërisht vota e dytë për partitë që në bazë të numrit të votave përcakton edhe partinë me përqindjen më të lartë e si rrjedhojë edhe se kush do të jetë kancelare apo kancelar. Pra, vota e dytë për partinë është përcaktuese edhe për kancelarin. Në bazë të rezultateve përcaktohet niveli i përfaqësimit politik në parlament dhe numri i mandateve për secilën parti./albeu.com

The post SONDAZHI/ SPD kryeson me një rezultat shumë të ngushtë ndaj CDU-CSU appeared first on Albeu.com.

Qendra e majtë e Oaf Scholz është barazuar me qendrën e djathtë të Armin Laschet me 25% të votave secila, sipas një sondazhi të transmetuesit publik gjerman ARD, raporton albeu.com,

Këto janë shifrat e sapo lëshuara nga një sondazh i votuesve që largohen nga 560 qendra votimi në të gjithë Gjermaninë.

Ka 60,000 qendra votimi në të gjithë Gjermaninë dhe rreth 40% e zgjedhësve që kanë votuar./albeu.com

The post Sondazhi i zgjedhjeve në Gjermani, Scholz “kokë më kokë” me Laschest (FOTO LAJM) appeared first on Albeu.com.

Sa i përket asaj që vjen më pas, Merkel e ka mbajtur gojën e kyçur.

Gjatë një turne lamtumire në zonën e saj elektorale këtë javë, ajo hodhi poshtë thashethemet për një lëvizje në Hamburg, në vendlindjen e saj.

Merkel tha se do të qëndronte në banesën e saj modeste në Berlin dhe Uckermark, një zonë rurale në veri të kryeqytetit, ku ajo dhe burri i saj Joachim Sauer kanë një shtëpizë./albeu.com

The post Çfarë do të bëjë Angela Merkel pas zgjedhjeve? appeared first on Albeu.com.

Gjatë ditës së sotme ka votuar dhe Armin Laschet, kandidat për kancelar i CDU-CSU, por gjatë këtij procedi ai bëri një gafë. Zbuloi votën e tij, pasi kishte palosur gabim fletën e votimit, duke bërë që të duken dy kryeqet për CDU.

Zyra federale elektorale sqaron se vota e Laschet, edhe pse u zbulua, është e vlefshme.

Kujtojmë se, qendrat e votimit qendrojnë të hapura deri në 18:00, raporton albeu.com.

Sistemi elektoral në Gjermani parashikon dy lloj votash, vota e parë për kandidatët e qarqeve për në parlament dhe vota e dytë për partitë. Eshtë pikërisht vota e dytë për partitë që në bazë të numrit të votave përcakton edhe partinë me përqindjen më të lartë e si rrjedhojë edhe se kush do të jetë kancelare apo kancelar. Pra, vota e dytë për partinë është përcaktuese edhe për kancelarin. Në bazë të rezultateve përcaktohet niveli i përfaqësimit politik në parlament dhe numri i mandateve për secilën parti./albeu.com

The post Kandidati për kancelar i CDU-CSU palos gabim fletën e votimit, zbulon votën (FOTO LAJM) appeared first on Albeu.com.

Rezultati i zgjedhjeve konsiderohet i hapur dhe duket se mes socialdemokratëve (SPD) dhe unionit konservator (CDU/CSU) diferenca mund të jetë fare e ngushtë. Në vend të tretë renditet në sondazhe kandidatja e ekologjistëve „Të Gjelbërit”, Annalena Baerbock. Partia liberal-demokrate FDP synon sërish të arrijë një kuotë mbi 10% të përfaqësimit në parlament. Partia populiste e djathtë AfD gjithashtu pritet të jetë sërish e përfaqësuar në Bundestag (parlamenti gjerman). Partia „E Majta” sipas sondazheve mund të pësojë humbje elektorati, por sërish pritet të jetë e përfaqësuar në parlament.

Rreth 60,4 milionë qytetare e qytetarë me të drejtë vote janë ftuar të votojnë. Qendrat e votimit qendrojnë të hapura nga ora 8:00 deri në 18:00. Sistemi elektoral në Gjermani parashikon dy lloj votash, vota e parë për kandidatët e qarqeve për në parlament dhe vota e dytë për partitë. Eshtë pikërisht vota e dytë për partitë që në bazë të numrit të votave përcakton edhe partinë me përqindjen më të lartë e si rrjedhojë edhe se kush do të jetë kancelare apo kancelar. Pra vota e dytë për partinë është përcaktuese edhe për kancelarin. Në bazë të rezultateve përcaktohet niveli i përfaqësimit politik në parlament dhe numri i mandateve për secilën parti.

Steinmeier bën thirrje për pjesëmarrje në votime

Presidenti Frank-Walter Steinmeier përpara hapjes së qendrave të votimit bëri thirrje: „Çdo votë ka rëndësi – vota juaj ka peshë. Ndaj ju lutem: shkoni sot në votime!”, nënvizon Steinmeier si autor i ftuar në një artikull për gazetën “Bild am Sonntag”. Demokracia jeton prej pjesëmarrjes dhe bashkëveprimit. „Kush bashkëvepron, dëgjohet. Kush nuk voton, ua lë të tjerëve të vendosin edhe për të”, shkruan Steinmeier.

Gjithsej janë 47 parti dhe grupime që konkurrojnë në zgjedhje – kaq shumë nuk ka pasur asnjëherë më parë në garë që pas ribashkimit të Gjermanisë. Në Bundestag-un e 20 gjerman sidoqoftë me gjasë do të përfaqësohen vetëm gjashtë partitë e sipërpërmendura si deri më sot. Kancelarja Angela Merkel pas 16 vjetësh në këtë post nuk rikandidon më.

Reporteri i DW-së Jared Reed ka biseduar me zgjedhësit në një qendër votimi dhe i ka pyetur ata, se çfarë i preokupon më shumë në këto votime. Sikurse shkruan ai në twitter, përgjigja ka qenë, se prblemi më shqetësues për njerëzit është mbrojtja e klimës.

Sipas sondazheve pritet që për herë të parë që nga viti 1957 në Gjermani të jetë i nevojshëm një koalicion qeverisës i përbërë nga tri parti. Asnjëra nga partitë me gjasë nuk mund të arrijë shumicën e nevojshme për të qeverisur vetëm ose në koalicion dysh. Kësisoj konstelacionet e mundshme janë nga më të ndryshmet, si më realiste duken modelet:CDU/CSU – Të Gjelbërit – FDP, ose opcioni SPD – TË Gjelbërit– FDP. Në një koalicion të tillë do të ishte mjaft e vështirë ujdia për përmbajtjen e marrëveshjes së koalicionit për shkak të koncepteve politike me dallime të mëdha mes këtyre partive. Një koalicion SPD – Të Gjelbër – Të Majtë duket më pak i mudnshëm duke iu referuar shifrave nga sondazhet paraelektorale. Ndërsa një aleancë me partinë popiliste të djathtë AfD e përjashtojnë të gjitha partitë.

Prej javësh ka qenë evidente, se edhe për shkak të pandemisë së koronavirusit – ka një shifër rekord të votimit në distancë përmes postës. Rreth 40 përqind e votave mund të jenë dërguar me postë./DW

The post Gjermania po voton për parlamentin e ri appeared first on Albeu.com.