Vjedhje, aksidente dhe armë: Kapen 8 persona në kryeqytet

Policia e Tiranës ka arrestuar në flagrancë 8 persona të akuzuar për vepra të ndryshme penale.

Specialistët për Hetimin e Krimit në Komisariatin e Policisë Nr. 2 bënë arrestimin në flagrancë të shtetasit B. H., 24 vjeç, pasi gjatë kontrollit fizik iu gjetën dhe iu sekuestruan dy armë të ftohta.

Nga specialistët për Hetimin e Krimit në Komisariatin e Policisë Nr. 4 u bë arrestimi në flagrancë i shtetasit A. S., 37 vjeç, pasi ka vjedhur biçikletën e shtetasit I. N.

Specialistët e Qarkullimit Rrugor bënë arrestimin në flagrancë të shtetasve:

P. D., 55 vjeç, A. K., 53 vjeç, B. E., 39 vjeç, A. H., 44 vjeç, G. S., 35 vjeç dhe L. Sh., 34 vjeç, pasi janë kapur duke drejtuar mjetet përkatëse në gjendje të dehur.

Më datë 23.05.2021, shtetasi S. B., 24 vjeç, ka humbur kontrollin e motomjetit dhe ka dalë nga rruga duke rrezikuar jetën 3 këmbësorëve, njëri prej të cilëve nga irritimi ka goditur motorin me një send të fortë.

•Me datë 23.05.2021, në rrugën “Reshit Çollaku” një person i paidentifikuar ka vjedhur 16.000 lekë të reja në banesën e shtetasit J. V. Punohet për identifikimin dhe kapjen e autorit.

Materialet u referuan në Prokurorinë pranë Gjykatës së Shkallës së Parë Tiranë, për veprime të mëtejshme.

Shtuar 24.05.2021 09:52