Ditën e sotme, kryeministri i vendit Edi Rama, ka mbledhur në Pogradec ministra, deputete dhe drejtues qarqesh. Mësohet se në fokus të diskutimeve të para ka qenë dokumenti “Besa”, ndërsa të pranishmit kanë paraqitur sugjerimet e tyre lidhur me përmbajtjen dhe zbatimin e tij.
Sipas burimeve brenda takimit, Rama është ndalur edhe te roli që duhet të ketë secili prej aktorëve në strukturën drejtuese në nivel rajonal, përfshirë ministrat, drejtuesit politikë, deputetët dhe drejtorët.
Të lidhura
None found
Kryeministri u ka kërkuar të pranishmëve mendime dhe propozime se si mund të përmirësohet marrëdhënia dhe bashkëpunimi mes ministrit, drejtuesit politik, deputetit dhe drejtorit në rang qarku.
Takimi pritet të vijojë me diskutime mbi organizimin dhe koordinimin e strukturave të Partisë Socialiste në qarqe, si dhe mënyrën e funksionimit të tyre.
