Masivi pyjor i Krastës në Krujë është përfshirë sërish nga flakët, pasi gjatë orëve të fundit janë evidentuar pesë vatra zjarri në të njëjtën kohë. Situata ka rikthyer në gatishmëri strukturat e emergjencave civile.
Era e fortë që fryn në zonë po ndihmon avancimin e shpejtë të zjarrit. Vatrat e reja janë shfaqur pranë sipërfaqeve të dëmtuara nga djegiet e ditëve të fundit.
Të lidhura
None found
Sipas burimeve zyrtare, deri tani nuk raportohet rrezik i drejtpërdrejtë për banesat ose bizneset pranë zonës pyjore.
Në terren janë angazhuar efektivë të shërbimit zjarrfikës dhe strukturave të emergjencave, me synim izolimin e flakëve dhe shmangien e përhapjes së tyre.
Ndërhyrja po kryhet nga toka dhe ajri, përmes mjeteve të specializuara, ndërsa terreni i vështirë dhe shtrirja e vatrave e bëjnë operacionin më të ndërlikuar.
