Ditën e djeshme, në Elbasan, djali i vogël Azem Hajdarit u shoqërua në komisariat pasi në makinën me të cilën po udhëtonte së bashku me dy persona të tjerë, iu gjet drogë.
Sot policia e ka arrestuar atë dhe një 23 vjeçar që e shoqëronte.
Kujtojmë se në “Audi” u gjetën 5 doza të vogla të dyshuara si kanabis sativa.
Njoftimi i policisë:
Elbasan
Specilaistët për Hetimin e Narkotikëve dhe Trafiqeve të Paligjshme në DVP Elbasan, arrestuan në flagrancë shtetasit:
A.H., 23 vjeç, dhe E.Gj., 21 vjeç, banues në Tiranë, pasi në aksin rrugor Elbasan-Metalurgji, gjatë kontrollit të mjetit tip “Audi”, me të cilin po qarkullonin shërbimet e Policisë gjetën një sasi e vogël lënde narkotike e dyshuar e llojit cannabis sativa.
Në cilësin e provës materiale u sekuestrua lënda narkotike, dy aparate celular dhe automjeti.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme./albeu.com
