Në qarkun e Beratit janë goditur dy raste të kultivimit të kanabisit, ku një person ka rënë në pranga.
Adi Myftari 44-vjeç u arrestua pasi në Vërzhezhë u kap nga policia duke ujitur 120 fidanë të dyshuara bimë narkotike kanabis, të cilat ishin të mbjella pranë tokës së tij.
Ndërkohë që u procedua penalisht Sh.K. 62 vjeç, me detyrë kryetar i fshatit Mëndrakë, Kuçovë dhe K.B., 51 vjeç, me detyrë Inspektor i Shërbimit Pyjor, pasi dyshohen se kanë konsumuar elementët e veprës penale “Shpërdorim detyre”.
Në këtë zonë është zbuluar kultivim kanabisi. Materialet i kaluan Prokurorisë së Rrethit Gjyqësor Berat, për veprime të mëtejshme.
