Një aksion është zhvilluar sot për llogari të SPAK ku është vënë në pranga prokurori i Kukësit Edmond Karriqi.
Burimet bëjnë me dije se prokurori në fjalë akuzohet si i përfshirë në korrupsion ndërkohë ende nuk dihen detajet mbi arrestimin në fjalë.
Mësohet se arrestimi i prokurorit ka ndodhur ndërkohë që ai ishte në qendër të Kavajës, në pranga është vënë dhe shoferi i prokurorit, Isuf Gega.
Pas arrestimit policia ka bërë edhe kontrolle në banesën e prokurorit.
Karriqi ka qenë edhe prokuror i çështjes së këngëtares Fjolla Morina, e cila u kap me armë zjarri në pikën kufitare të Morinës.
Mësohet se ka qënë ai që ka këmbngulur për të hequr veprën penale “trafik armësh” pas kapjes së këngëtares me 2 armë në pikën kufitare të Morinës.
vijon… /albeu.com/
