Pas vrasjes së Carolinës nga bashkëshorti i saj, një tjetër ngjarje misterioze ka ndodhur në bashkinë e Glyka Neras në Greqi.
Sipas mediave lokale, një biznesmen është zhdukur dhe ka humbur kontaktet me familjen që prej ditës së djeshme.
Të lidhura
None found
Mësohet se bëhet fjalë për 53-vjeçarin Stavros Dogiakis, për të cilin nuk ka gjurmë. Familjarët kanë publikuar edhe të dhënat e tij duke bërë thirrje për çdo informacion që mund të shërbejë në gjetjen e biznesmenit.
Ai ishte duke udhëtuar me një makinë tip “Smart” me targa ZHA-8898 dhe nuk është parë më që prej ditës së djeshme.
Komunikimi i fundit ishte me nënën e tij, të cilën e pyeti nëse i kishte pirë ilaçet.
