Napoli mblidhet rreth ish-kapitenit Lorenzo Insigne, tani një sulmues i Torontos, pasi bashkëshortja e tij Jenny Darone, në muajin e gjashtë të shtatzënisë, humbi foshnjën.
“E dashur Xheni, i dashur Lorenzo, e gjithë familja e Napolit është pranë jush dhe ju përqafon fort”, shkruan klubi napolitan në Twitter.
Me mijëra mesazhe ngushëllimi ka edhe në rrjetet sociale: “Ka vetëm heshtje dhe respekt: ne do t’ju mbështesim gjithmonë, edhe në këto momente të këqija që janë pjesë e jetës.
Qyteti juaj quhet Napoli dhe do të mbetet i tillë. Ndërkohë një përqafim i madh për ju dhe familjen tuaj”, janë vetëm disa nga komentet e postuara në internet orët e fundit.
Ishte e qartë se diçka serioze kishte ndodhur: Insigne prej ditësh nuk ishte pjesë e seancave stërvitore në Toronto. Në krah të tij, në këtë moment të vështirë ishte edhe miku i tij Criscito.
