Gjatë kohës që në Europën Lindore po zhvillohet një konflikt i ashpër mes Ukrainës e Rusisë, presidenti rus Vladimir Putin është në qendër të vëmendjes dhe kritikave gjithandej.
Ditët e fundit vëmendja është kthyer tek jeta e tij private, që nga mënyra se si u rrit e që ndikoi më pas në formimin e karakterit dhe personalitetit të presidentit rus, por edhe në marrëdhënien që ai është përfolur prej vitesh.
Gjimnastja ritmike, fituese e medaljes së artë olimpike, Alina Kabaeva, përflitet se është gruaja që fshihet pas “përbindëshit” që shkaktoi luftën.
Ajo bëri një deklaratë të rrallë publike në vitin 2021 pas ‘zhdukjes’, fill pas raportimeve se kishte lindur binjakë.
Dy vjet e gjysmë pasi u pa për herë të fundit në publik, Kabaeva i dërgoi një mesazh mbështetjeje ekipit të gjimnastikës së grave të Rusisë, në të cilin tha se ishin gati dhe të vendosur për të fituar për vendin e tyre. Kabaeva, tani 38 vjeç, fitoi medaljen e bronztë në lojërat Olimpike 2000 në Sidnej, duke u përmirësuar në të artë në të njëjtën kategori në lojërat e Athinës 2004.
Duke qenë e fejuar me policin David Museliani deri 2005, raportet e viteve të fundit tregojnë se ajo është përfolur se është partnerja afatgjatë e Putinit, dhe se ajo ka pasur tre fëmijë në shtatë vitet e fundit.
Sigurisht që raporte të tilla janë të pamundura për t’u verifikuar me Kremlinin, por sipas Spectator një medium u mbyll në Moskë sepse e përshkruan atë në 2008 si dashnoren e tij. Deklarata e saj e vitit 2021 erdhi dy vjet pasi ajo u pa për herë të fundit në publik, me raporte që thanë se ajo lindi djem binjakë në klinikën e maternitetit Kulakov të Moskës në vitin 2019, pasi kishte një vajzë në vitin 2015.
Kabaeva fitoi gjithsej 14 medalje të Kampionatit Botëror dhe 21 medalje të Kampionatit Evropian gjatë karrierës së saj vezulluese dhe ishte një mbajtëse e pishtarit në Lojërat Olimpike Dimërore të Soçit 2014.
Si e ka komentuar Putin këtë marrëdhënie?
Vetë Presidenti Vladimir Putin ka thënë më parë: “Unë kam një jetë private në të cilën nuk lejoj ndërhyrje. Ajo duhet respektuar.”
Udhëheqësi rus ka një interes të madh për sportet, pasi është parë duke luajtur hokej mbi akull dhe futboll në të kaluarën, dhe thuhet se i kushton dy orë në ditë qëndrimit aktiv. Putin, i cili shërbeu si president i Rusisë nga viti 1999 deri në vitin 2008 – dhe përsëri që nga viti 2012 pas një periudhe si kryeministër, u martua për herë të parë në vitin 1983. Ish-agjenti i KGB-së u martua me Lyudmila Shkrebneva dhe ata jetuan së bashku në Gjermaninë Lindore nga 1985 deri në 1990.
Ata kishin dy vajza së bashku, Mariya Putina e lindur në Leningrad në 1985, si dhe Yekaterina Putina, e cila lindi në Dresden vitin e ardhshëm. Ata e bënë publik divorcin e tyre pas 30 vitesh martesë në vitin 2014, divorc të cilin Putini e komentoi:
“Ishte një vendim i përbashkët: Ne nuk e shohim më njëri-tjetrin, secili prej nesh ka jetën e tij”./albeu.com/
