Reparti Zjarrfikës i Beratit u vu në alarm pas një telefonate që njoftonte se një banesë po digjej në fshatin Velabisht.
Dy automjete zjarrfikëse u nisën me shpejtësi drejt zonës së raportuar. Teksa lëviznin në kundërvajtje nëpër rrugët e qytetit, ato u bllokuan nga automjetet në një kryqëzim dhe rrezikuan të përplaseshin me njëra-tjetrën.
Të lidhura
None found
Pas mbërritjes në vendngjarje, zjarrfikësit konstatuan se njoftimi ishte i rremë dhe se asnjë shtëpi nuk ishte përfshirë nga flakët, raporton gazetarja Eneida Petova.
Ngjarja është referuar në DVP Berat, e cila do të hetojë për të identifikuar origjinën e telefonatës dhe personin që bëri njoftimin e rremë.
