Mëngjesin e sotëm rreth orës 07:50, një konflikt për motive të dobëta mes dy personave ka agravuar deri në përdorimin e armëve në zonën e Alliasit në Tiranë, ku një 38-vjeçar ka plagosur me armë zjarri fqinjin e tij 31-vjeç.
Sipas informacioneve policore, i plagosuri ndodhet në spital jashtë rrezikut për jetën.
Autori është në kërkim, ndërsa policia dhe grupi hetimor ndodhen në vendngjarje për zbardhjen e plotë të rrethanave.
Autori mësohet se është Korado Teodori. Ndërsa, i dëmtuar ka mbetur shtetasi Sandrino Baci.
Tiranë/Informacion paraprak:
“Rreth orës 07:50, në Allias, dyshohet se gjatë një konflikti për motive të dobëta shtetasi K. T., rreth 38-vjeç, ka plagosur me armë zjarri në këmbë shtetasin S. B., rreth 31-vjeç(komshi me njëri-tjetrin).
Aktualisht 31-vjeçari ndodhet në spital, jashtë rrezikut për jetën.
Shërbimet e Policisë kanë shkuar menjeherë në vendngjarje dhe vijojnë kontrollin e zonës për kapjen e autorit.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, thuhet në njoftimin e policisë.
