Zëdhënësi i Departamentit të Shtetit të SHBA ka reaguar pas sulmit kibernetik ndaj Shqipërisë nga Irani pak ditë më parë.
Ned Price, në reagim, shprehet se DASH dënon me forcë këtë sulm, i cili pason sulmin kibernetik të Iranit të 15 korrikut, ndërsa shton se do të qëndrojnë në krah të Shqipërisë për të forcuar mbrojtjen.
“Dënojmë me forcë sulmin kibernetik të 9 shtatorit kundër aleates sonë në NATO, Shqipërisë, i cili pason sulmin kibernetik të Iranit të 15 korrikut. Ne do të vazhdojmë të punojmë krah për krah me Shqipërinë dhe aleatët e partnerët e tjerë, për të forcuar mbrojtjen kibernetike dhe për t’i bërë përgjegjës aktorët keqdashës”, shprehet Zëdhënësi i Departamentit të Shtetit të SHBA.
