Pas një periudhe të vështirë te Lazio, ku prej kohësh qëndron në stol, Thomas Strakosha duket se ka gjetur lumturinë në Kombëtare.
Futbollisti është grumbulluar me Shqipërinë për 3 ndeshjet kualifikuese të Shqipërisë, ndaj Andorrës, Anglisë dhe San Marinos.
Madje me shumë mundësi, portieri do të jetë titullar në ndeshjen e parë ndaj Andorrës, teksa lumturinë e tij për grumbullimin e shfaq edhe në një postim në “Instagram”.
Në postimin e tij, Strakosha shkruan: “Është bukur të jem përsëri me ekipin tim kombëtar, veçanërisht me një objektiv madhor përpara. ‘Katar 2022’, duam të provojmë”, shkruan Strakosha.
