Në shtëpinë e gazetares së njohur Sonila Meço, sot festohet për të voglën e tyre Amaris, e cila sot mbush plot 13 vjeç.
Opinionistja e Ferma VIP i ka kushtuar një postim tepër të veçantë në instagramin e saj së bijës, duke e vendosur theksin në të gjitha sakrificat që i janë dashur deri në këtë ditëlindje të 13-të, e që nënat nuk i ndalin asnjëherë për fëmijët gjatë gjithë jetës.
Sa një dyzinë degëza rrudhash nën ballë e nën qerpik? Sa një kuti barnash në çantë? Sa një dhimbje e re kronike? Sa humbja e një prindi? Sa një llogari bankare? Sa një shtëpi e re? Sa zhgënjime miqsh? Sa kilogramët e shtuar në ije? Sa vendet e vizituara? Sa thinjat për t’u mbuluar çdo tri javë? Sa pushteti i një njeriu? Sa shembja e një idhulli? Sa kompromiset për një vend pune? Sa duartrokitjet pas emrit ténd? Sa ndërrimi i bindjeve? Sa dashuri të harruara? Sa shkrirja e akullnajave?
Çdo 4 nëntor më shkund fort për të më kujtuar mënyrën më të saktë e korrekte për të matur vlerën e kohës: Amaris
Jetës shtrydhja gjithë nektarin, e vogla e madhja jonë, as më shpejt e as më vonë, gjithçka në kohën e vet! Në kohën tënde, të zgjedhjeve të tua. Sa sot Amaris”, shkruan Sonila.
