Keni tendencë të harroni gjërat kur jeni të stresuar? Nuk ka asgjë si stresi për ta bërë kujtesën tuaj të turbullt. Një studim i vitit 2010 zbuloi se stresi kronik redukton kujtesën hapësinore: ajo që ju ndihmon të kujtoni vendndodhjet dhe të lidhni objektet.
Studiuesit e Universitetit të Iowa-s së fundmi gjetën një lidhje midis hormonit të stresit, kortizolit dhe humbjes së kujtesës afatshkurtër. Zbulimet e tyre, të publikuara në Journal of Neuroscience, treguan se kortizoli reduktoi sinapset – lidhjet midis neuroneve – në korteksin para-frontal, zona e trurit që strehon kujtesën afatshkurtër.
Por ka një ndryshim midis mënyrës se si truri juaj përpunon stresin afatgjatë dhe atë aftashkurtër. Hulumtimet sugjerojnë se nivelet e ulëta të ankthit mund të ndikojnë në aftësinë tuaj të të kujtuarit; Situatat akute ose me ankth të lartë, nga ana tjetër, mund të përforcojnë në fakt procesin e të mësuarit.
Stresi akut rrit aftësinë e trurit tuaj për të koduar dhe kujtuar ngjarjet traumatike, sipas studimeve. Këto kujtime ruhen në pjesën e trurit përgjegjëse për mbijetesën dhe shërbejnë si një mekanizëm paralajmërues dhe mbrojtës kundër traumave të ardhshme.
Nëse stresi që po përjetoni është i vazhdueshëm, megjithatë, mund të ketë efekte shkatërruese.
Neuroshkencëtarët nga Universiteti i Kalifornisë, Berkeley, zbuluan se stresi kronik mund të krijojë ndryshime afatgjata në tru. Stresi rrit zhvillimin e lëndës së bardhë, e cila ndihmon në dërgimin e mesazheve në të gjithë trurin, por ul numrin e neuroneve që ndihmojnë në përpunimin e informacionit.
Neuroshkencëtarët thonë se çekuilibri që rezulton mund të ndikojë në aftësinë e trurit për të komunikuar me veten dhe t’ju bëjë më të prekshëm ndaj zhvillimit të një sëmundjeje mendore.
Për të reduktuar efektet e stresit, Klinika Mayo rekomandon identifikimin dhe reduktimin e shkaktarëve të stresit. Ngrënia e një diete të shëndetshme, ushtrimet, gjumi i mjaftueshëm dhe pjesëmarrja në një aktivitet reduktues të stresit si frymëmarrja e thellë, masazhi ose joga, gjithashtu mund të ndihmojnë.
Stresi mund të dëmtojë trurin, por ai rikuperon.
